Жаңалықтарды Telegram арнамыздан оқыңыз!Қытайда нөсер жауын салдарынан ескертудің «сары» белгісі жарияланды. Шэньси провинциясында төпелеп жауған жаңбыр соңы алапат тасқынға ұласты. Топан су бірталай көлікті шайып әкеткен. Әзірге құрбандар туралы мәлімет жоқ. Мұны «Си-си-ти-ви» телеарнасы хабарлап отыр. Осыған ұқсас жағдай оңтүстік-батыстағы Сычуан провинциясында да тіркелді. Онда 446 адам қауіпсіз жерге көшірілді. Ал көршілес Чунцинде өзен арнасынан асып, бірнеше қаланы су басты. Табиғи апаттар жиілеуін синоптиктер жаһандық климаттың өзгеруімен байланыстырып отыр.
Арыстан Рысбек
