Жаңалықтарды Telegram арнамыздан оқыңыз!Еліміздегі ұлттық цифрлық кітапхана жүйесінде 80 мыңнан аса кітаптың электронды көшірмесі жасалды. Тұрғындар қалаған шығармасын немесе керекті ғылыми мақаласын кез-келген жерден қарап, оқи алады. Былтыр бұл порталдың көмегіне 400 мыңнан астам адам жүгініпті. Сондай-ақ мәдениет саласында е-архив, е-музей цифрлық жобалары да жүйелі жұмыс істеп тұр. Визуалды және интерактивті технологиялардың арқасында мұражайдағы көне жәдігерлер көпшілікке 3D форматында қолжетімді.
Нұркен Сыздығали, ҚР Мәдениет және ақпарат министірлігі цифрландыру департаментінің басқарма басшысы:
Цифрландыру саласында бізде тағы бірнеше бастамалар бар. Оның бірі «Qazaq culture» болып табылады. Бұл платформа 8 тілде жұмыс істейді. Ол әлемдегі ең танымал тілдер, мысалы: қазақ, орыс, қытай, ағылшын, француз тілдері және түрік тілі. Оның арқасында біздің мәдени мұрамызбен тек еліміздің азаматтары ғана емес шетелдік азаматтарда онлайн режимде таныса алады.
Ернұр Медет
