Жаңалықтарды Telegram арнамыздан оқыңыз!Шымкентте биыл кене шаққан 500-ден астам адам медициналық көмекке жүгінуге мәжбүр болған. Оның ішінде екі науқастың көкала дертін, яғни, қырым қанды безгегін жұқтырғаны анықталған. Санитарлық дәрігерлер биыл адамдарды кене шағу дерегі көбейіп тұрғанын айтады. Өткен жылмен салыстырғанда 30 пайызға артқан. Оған биыл күннің қатты ысуы да себеп. Мамандар шаһар аумағындағы 11 аймақта кенелердің көбірек таралу қаупі барын анықтаған. Осыған байланысты қазынадан қаржы бөлініп, эпидемиялық ахуалды ушықтырмас үшін залалсыздындару жұмыстары жүргізілді.
Айгүл Тұрымбетова, Санитарлық-эпидемиологиялық бақылау департаменті басшысының орынбасары:
Барлау тобымен зерттеп тексеру арқылы залалсыздандыру жұмыстарының сапалы өткені мәлім болды. Енді тамыз айынан бастап, сол адамдарға зардап шеккізбеу үшін міндетті түрде екінші кезеңде залалсыздандыру жұмысы жүреді.
Ғани Қалмахан
