Жаңалықтарды Telegram арнамыздан оқыңыз!«Amanat» партиясы ұйытқы болған «Таза бейсенбі» акциясы бүгін Шымкент қаласындағы Шымсити шағын ауданында жалғасты. Оған саяси ұйымның қалалық және аудандық филиалдарының қызметкерлері, «Жастар рухы» жастар қанатының мүшелері және коммуналдық қызмет жұмысшылары белсене қатысты. Олар көпқабатты тұрғын үйлердің аулаларын қоқыстан тазартып, шөптерді орды.
Жалпы, жыл басынан бері Шымкент қаласында өткізілген осындай экологиялық сенбіліктерге 2 мыңнан аса адам атсалысқан. Нәтижесінде 17 тоннадан аса тұрмыстық және құрылыс қалдықтары шығарылды.
Гүлзат Өміртай, «Amanat» партиясы Қаратау аудандық филиалының консультанты:
Бұл акцияны өткізіп жатқанымызға жылдан астам уақыт болды. Тұрғындар біздің қоқыстарды тазартып жатқанымызды көріп, қоқыс тастамауға бейімделе бастады және акцияға жергілікті тұрғындар да шығып, бізбен бірге атсалысуға үйреніп жатыр.
Ғани Қалмаханов
