Жаңалықтарды Telegram арнамыздан оқыңыз!Түркістан облысының Шардара ауданында өткен «Таза Қазақстан» акциясына армрестлингтен әлемді бағындырған чемпиондар қатысты. 60 әлем, Азия және ел чемпионы экологиялық сананы арттырып, туған елге деген сүйіспеншілікті оятуға бағытталған шараға бір кісідей атсалысты. Шардара су қоймасының жағалауын қоқыстардан тазартуға спортшылардан бөлек 100-ге тарта қала тұрғыны да жұмылдырылды. «Таза әлем – баршаға ортақ іс!» атты плоггинг барысында екі тоннаға жуық тұрмыстық және пластик қалдықтар жиналды.
Сәбит Лаханов, «Өскен өңір» газетінің бас редакторы:
Аталған акцияның мақсаты – айналаны, қоршаған ортаны, табиғатымызды таза ұстау. Экологиялық белсенділікті, экологиялық мәдениетімізді қалыптастыру. Осы орайда шардаралықтар аталған акцияға белсенді түрде атсалыса береді деп сеніммен айта аламын.
Айнұр Әбілқасымқызы
