Жаңалықтарды Telegram арнамыздан оқыңыз!Бүгіннен бастап астаналықтар жедел жәрдем көлігінің бағытын қолындағы телефон арқылы бақылай алады. Бірақ бұл қызмет түрі барлығына қолжетімді емес. Тек 1-санаттағылар, яғни шұғыл жедел жәрдем көмегін шақыртушылар ғана қолдана алады. Арнайы жүйе арқылы өтінім берген азаматқа SMS хабарлама келеді. Сол сілтеме арқылы жедел жәрдем көлігінің бағытын көре алады.
Айта кетейік, әзірге бұл пилоттық жоба. Тек астаналықтарға ғана қолжетімді. Жүйе тиімділігін дәлелдесе, еліміздің барлық елді мекенінде қолдану жоспарлануда.
Айдар Қасенов, ДСМ Электрондық денсаулық сақтауды дамыту департаменті директорының орынбасары міндетін атқарушы:
Бұл жүйенің мақсаты – халыққа көрсетілетін медициналық көмектің сапасын арттыру және жедел жәрдем қызметінің жұмысын жеңілдету. Қазір Астана қаласындағы операторлар шамамен тәулігіне 6 мың қоңырау қабылдайды. Соның 40 пайызы жедел жәрдемнің келу уақытын нақтылауға қатысты. Жаңа жүйе арқылы осы сұрақтардың саны едәуір азаяды.
Самал Қабышева
