Жаңалықтарды Telegram арнамыздан оқыңыз!Атырау халықаралық әуежайына су жаңа L 410 ұшағы келді.
Көпмақсатты транспортты Төтенше жағдайлар министрлігі әуе паркін жаңарту аясында сатып алған. Ұшақ қолайсыз алаңдарға қонып, 50 градус ыстық пен суыққа төзімді. 19 жолаушы, яғни 1800 келіге дейін жүк көтере алады. Санитарлық авиацияға да бейімделген. Ал экипаж Чехия елінде арнайы оқудан өткен. Енді әуе кемесін орналастыру және оған техникалық қызмет көрсету үшін жуырда ангар құрылысы басталмақ.
Шыңғыс Әрінов, Төтенше жағдайлар министрі:
Осыдан бір жарым ай бұрын, Чехияның Omnipol компаниясынан дәл осындай ұшақты салтанатты түрде Астанада қабылдадық. Бұл – министрліктің авиациялық инфрақұрылымын дамытуда маңызды қадам. Алдағы уақытта Шығыс және Оңтүстік өңірлер тағы екі ұшақпен толығады. Бұл еліміздің төрт аймағында да кез келген төтенше жағдайларға дер кезінде әрекет етіп, толыққанды авиациялық мүмкіндіктерді қамтамасыз етуге бағытталған ауықмды іс.
Темірлан Нұрсолтан
