Жаңалықтарды Telegram арнамыздан оқыңыз!Жеңісті жақындатуға көкшетаулықтардың қосқан үлесі туралы не білеміз?! Мәселен, шаһарда Подольскіден көшірілген стратегиялық маңызы зор нөмірі 621 құпия зауыты орналасып, онда тігін машиналарымен қатар майданға қажет қару-жарақтар дайындалған.
Ату жарақтарының маңызды түрлері қатарында сынықты және фугасты миналар және тұрақтандырғыштар, әскери бөлімдер үшін гранаталар бар. Жоспар асырыла орындалып, тек 1943 жылы зауыттан 1 миллионнан аса мина шығарылған. Сонымен қатар қаладағы фабрикаларда сарбаздар үшін сырт киімдер мен автоматпен атуға ыңғайлы екі саусақты қолғап тігілген. Көкшетауда сондай-ақ үш бірдей госпиталь орналасып, онда ауыр жарақат алған сарбаздарға ем-дом көрсетілді. Бүгінде аталған ғимараттар әлі де сақтаулы. Жалпы, Ақмола облысынан соғысқа 63 мыңнан аса жауынгер қатысқан.
Гүлден Аққошқарова, облыстық тарихи-өлкетану музейінің бөлім меңгерушісі:
Ұлы Отан соғысы кезінде Қазақстаннан 1 200 000-ге жуық жауынгер қатысқан, оның ішінде 500-ден астамы Кеңес Одағың батырлары атанды. Оның 71-і Ақмола облысының батырлары болды. Талғат Бигельдинов, Мәлік Ғабдуллин, Рейхстагқа ту тіккен Рақымжан Қошқарбаев, Сағадат Нұрмағамбетов сияқты батырлар осы Ақмола облысының батырлары.
