Жаңалықтарды Telegram арнамыздан оқыңыз!Еліміздің Чехиядағы елшілігінің қызметкерлері Прагадағы Ольшан зиратына гүл шоқтарын қойып, Праганы азат ету жолында қаза тапқан қазақ батырларының рухына тағзым етті. Ольшан зиратына Кеңес Одағының Батыры Мәжіт Жүнісов, кіші сержант Талғат Зайнуллин, сондай ақ қатардағы жауынгерлер Мұстафа Сапарбаев, Жолдас Әжімов, Байжан Нұржанов, Сайнулла Қайырғалиев пен Зийнил Козин жерленген. Шараға Чехияның Қорғаныс министрлігі мен ардагерлер ұйымының өкілдері қатысып, қазақ қаһармандарының Жеңіске қосқан үлесі ұрпақ жадында мәңгі сақталуы тиіс екенін атап өтті.
Мартин Жоур, Чехи Қорғаныс министрлігі жанындағы ардагерлер ұйымының төрағасы:
Чехословакияны азат етуге Қызыл әскер жауынгерлерімен бірге қазақ сарбаздары да қатысты. Біз тұрған зиратқа Қазақстаннан шыққан жеті жауынгер жерленген. Біз олардың ерлігін және Қазақстанның Чехословакия мен бүкіл Еуропаны азат етуге қосқан үлесін құрметтейміз. Қазақстанға және оның батырларына зор алғыс айтамыз.
Нұрсұлу Қасым
