Жаңалықтарды Telegram арнамыздан оқыңыз!Жеңістің 80 жылдығының қарсаңында 109 ардагерге жалпы сомасы 545 миллион теңге берілді. Еңбек және халықты әлеуметтік қорғау министрлігінің айтуынша, жыл соңына дейін бірреттік көмектен бөлек тағы бірнеше әлеуметтік төлем түрлері қарастырылмақ. Атап айтсақ, коммуналдық қызметтерді өтеу үшін 193 мыңнан астам ардагерге барлығы 2 жарым миллиард теңге беріледі. Үй жөндеу жұмыстарына 61 адамға 21 миллион теңге, отын сатып алу үшін 342 адамға 14 жарым миллион теңге төленеді. Сондай-ақ тіс емдеуге 3 жарым мың ардагерге жалпы алғанда 441 миллион теңге, дәрі-дәрмек алуға 3 мыңдай адамға 48 миллион теңге бөлінеді.
Асқар Аймағанбетов, ҚР ЕХӘҚМ Әлеуметтік көмек департаментінің директоры:
Қалған санаттағы Ұлы Отан соғысына үлес қосқан, яғни тыл еңбеккерлері басқа да санаттағы категориялардың барлығына қатысты. Өткен жылдары, мысалы, мөлшері төмендеу болды. Ал биылғы жылы 50 мыңнан 200 мыңға дейінгі мөлшерде біржолғы көмек көрсетілді.
Жанель Өтеулі
