Жаңалықтарды Telegram арнамыздан оқыңыз!Әйелдердің құқықтары мен балалардың қауіпсіздігін қамтамасыз ету туралы заңның қабылданғанына бір жыл болды. Бала құқықтары жөніндегі уәкіл Динара Закиеваның мәліметінше, биыл алғашқы 3 айда тұрмыстық зорлық-зомбылыққа қатысты 17 мың хабарлама түскен. Бұл өткен жылдың дәл сол кезеңімен салыстырғанда 21 пайызға аз. Ал отбасылық-тұрмыстық аса ауыр қылмыстардың тіркелуі 5,3 пайызға төмендеген. Атап айтқанда, адам өлтіру фактілері 22,6 пайызға, денсаулыққа қасақана ауыр зиян келтіру жағдайлары 18,2 пайызға қысқарған. Сондай-ақ кәмелетке толмағандарға қатысты буллинг ұғымы заң жүзінде бекітіліп, жыл басынан бері 74 жағдай тіркелген.
Темірлан Нұрсолтанов
