Тараздағы Қарахан кесенесінің маңына 50 түп алма ағашын екті

Таразда Қарахан кесенесінің аумағына 50 түп алма ағашы отырғызылды. «Таза Қазақстан» экологиялық акциясы аясында тарихшылар мен тілшілер де тал егіп, тарихи нысан маңын тазартты.

Сонымен қатар, құлаған ағаштар мен қураған бұталарды шығарып, арық-атызды қалпына келтірді. «Ежелгі Тараз ескерткіштері» музей-қорығының бастамасымен өткен шарапатты шарадан шетелдіктер де тыс қалмады. Италиядан келген туристер де тал отырғызып, ерекше әсер алып қайтты. Ал ары қарай тазалық науқаны «Жеңіс» саябағында жалғасты. Айта кетейік, биыл аймақтағы экологиялық акцияға 10 мың адам қатысады. Ал еріктілер күшімен 200 мыңға жуық көшет отырғызу жоспарланған.

Данияр Әлімқұл