Жаңалықтарды Telegram арнамыздан оқыңыз!Көктемнің әр күні жылға азық. Түркістан облысының Жетісай ауданында шаруалар көктемгі дала жұмыстарын бастап кетті. Қазір диқандар ауа-райының әр күнін тиімді пайдаланып, жер жыртып жатыр. Егістік алқаптар тырмаланып болған соң, мақта шиті себіледі. Қазір оған дайындық жұмыстары қызу жүруде.
Биыл Жетісай ауданында 41 мың гектарға мақта егіледі деп жоспарланған. Қазір аудан аумағындағы зауыттарда тұқымы таратылуда. Бүгінге дейін 1245 тоннасы үлестірілді. Одан бөлек шаруаларға Түркия мен Өзбекстанның шиттері де сатылуда.
Мақта зауытына Көрікті ауылынан келген қожалық төрағасы Абай Аманбаевтың 70 гектар егістік жері бар. Соның 60 гектарына мақта егетін щит алды. Шаруа сәуірден қара күзге дейін тыным таппаймыз дейді.
Абай Аманбаев, шаруа:
20 гектарға 11\40 деген щит алып жатырмыз бүгін. Бұл щиттің өнімділігі гектарына 30-35 центнердің арасында береді. Тағы да бұдан басқа 40 гектар жеріме элиталы түріктің щитін алдық.
Шаруалардың жер жырту жұмыстарына 1560 тонна дизель отыны бөлініп, литрі 253 теңгеден сатылуда. осатылуда. Көктемгі дала жұмыстарына қажетті трактор, дән сепкіш техника мен тырмалар да бар. Биыл мемлекеттің қолдауымен Мақталы ауылынан ауыл шаруашылығы техникасының станциясы ашылды. Заманауи үлгідегі техникалар мен агрегаттар шаруалардың шығынын азайтып, мол өнім алуға септігін тигізбек.
Әбілмақсым Мәрәбілұлы, шаруа:
Бізде қолда бар техниканың тозығы жетті, ескірді. Біз бала-шағамызбен жабылып шабық шабамыз шілденің күндері. Ал бұл ондайды қажет етпейді. Адамды көп керек етпейді екенсің главный. Бірінші шабық, екінші шабықты да істеп беретін техникалар екен.
Нұртас Тұрсынбеков, Жетісай аудандық ауыл шаруашылығы бөлімінің басшысы:
Агрегаттар бір жүргенде бірнеше этапты алып кетеді. Тамшылатып суару технологиясын ендіріп кетеді. Олардың тиімділігі жерді еккеннен бастап, өнімді жинағанға дейін қызмет көрсетеді бұл кісілер. Егер шаруаның қаражаты жоқ болған жағдайда күзде өніммнен төлеуге болады.
Мемлекет тарапынан шаруаларға жеңілдетілген несие беру жағы да қарастырылған. Сондай-ақ, минералды тыңайтқыштарды субсидиялау бойынша өтінім қабылдау басталды. Айта кетейік, биыл жетісайлық диқандар 80 мың гектар жерге ауыл шаруашылығы дақылдарын егуді жоспарлап отыр.
Айнұр Әбілқасымқызы
