Жаңалықтарды Telegram арнамыздан оқыңыз!Қара жердің қойны қазба-байлыққа толы. Тек соны тауып, өндірісте өңдеуге күш салатын мамандар аз. Сондықтан тау-кен ісіне жастарды тарту керек,-дейді Қадыржан Қауылдашев. Ол жарты ғасыр ғұмырын осы салаға арнаған. Жеті қат жер астына құлақ түріп, қатпарына үңілген ғалымдар көбейсе ел экономикасының да алға ілгерілейтіні сөзсіз, -деп отыр.
Қадыржан Қауылдашев, Қазақстанның еңбек сіңірген геологі:
Мына геологиялық барлау жұмыстарын қою үшін, алдымен ғылыми зерттеу жұмыстарын жүргізуі керек. Оны жүргізу үшін, әрбір геологтың ғылыми санасы болуы керек. Логикасы сондай болуы керек. Соған байланысты енді ғылыми сондай мамандар жетпей жатыр.
Белгілі ғалым Әділхан Байбатша геология саласын зерттеп қана қоймай, ұғынықты тілмен жас ұрпақтың санасына сіңіру міндетіміз, - дейді . Академиктің сөзінше, геология ғылымы сан алуан саладан тұрады. Соның бәрі жер қыртысын, оның қазба байлықтарын зерттеумен айналысады. Қазақстан сияқты жер көлемі жөнінен әлемде тоғызыншы орын алатын, қойнауы қазынаға толы мемлекетте бұл –ең алдыңғы шепте тұруға тиісті ғылым екенін айтты.
Әділхан Байбатша, геология және минерология ғылымдарының докторы:
Геология деген өзі ең қажет болып тұр. Бұрын Кеңес Одағы кезінде геология 1-орында тұратын. Өйткені, өндірістің өнеркәсіптің негізі минералды шикізат. Сол минералды шикізат кен орындарын іздеп табатын геологтар. Ал бұл кен орнын табу деген,оны зерттеу деген, оны зерттеп, жан-жақты өндіріске дайындау деген өте қиын жұмыс.
Қуан Нұрақын
