Жаңалықтарды Telegram арнамыздан оқыңыз!Дәрілерге қосылған құн салығы өспеуі мүмкін. Мәжіліс депутаттары жаңа салық кодексіне осындай түзету енгізуді ұсынды. Бұл жөнінде депутат Асхат Аймағамбетов желідегі парақшасында мәлім етті. Ал қатерлі ісік, психикалық, жүрек-қан тамырлары, бүйрек, диабет және басқа да күрделі ауруларды емдеуге бағытталған медициналық қызметтерді қосымша құн салығынан босату ұсынылды. Мәжіліс депутаттары есесіне букмекерлік кеңселерге, казиноларға салықты айтарлықтай көбейту қажет деп санайды.
