Жаңалықтарды Telegram арнамыздан оқыңыз!Беларусь елінің тумасы Йосиф Комин соғыс басталғанда небәрі 14 жаста болған. Майданға 17 жасында аттанған Йосиф Комин қанды қырғынның ортасына түсіп, сапер болады. Жанқиярлық ерлігі үшін II дәрежелі Отан соғысы орденімен, маршал Жуковтың медалімен марапатталған. Қазақстанға 1951 жылы комсомолдық жолдамамен келіп, 54-ші жылдары тың және тыңайған жерлерді игеруге қатысады. Бүгінде 4 баласынан 10 немере, 13 шөбере сүйіп отырған майдангердің жалғыз тілегі елдегі бейбітшілікті сақтау.
Йосиф Комин, соғыс ардагері:
Партизандар мені жау басып алған ауылдарға тыңшы ретінде жіберетін еді. Бала болғасын олардың көзі түсе қоймайды деп ойлаған болар. Жүрек жұтқан ерлік көрсетіппіз ғой. Өте ауыр кезең еді. Кәмелетке толар толмастан әскерге кеттім. Саперлік дайындықтан соң қанды майданда жауға қарсы соғыстым. Менің көргенімді бүгінгі ұрпақ көрмесе екен деймін. Тілейтінім тек бейбітшілік. Халықтың бірлігі бекем болсын!
Бибінұр Әмірханқызы
