Жаңалықтарды Telegram арнамыздан оқыңыз!
Жүргізуші: Әбілхан Қастеев атындағы Мемлекеттік өнер музейінде Орал Таңсықбаевтың 120 жылдығына арналған көрме ашылды.
Шара Өзбекстан Республикасының Мәдениет және өнерді дамыту қорының және Қазақстанның Мәдениет және ақпарат министрлігінің қолдауымен ұйымдастырылды.
Экспозицияда суретшінің ерекше стилін, шығармашылық мұрасын және ұлттық кескіндеменің дамуына қосқан үлесін көрсететін 74 туынды ұсынылды.
Шараның ашылуына Мәдениет және ақпарат министрі Аида Балаева, Өзбекстан Республикасы Президентінің көмекшісі Саида Мирзиёева, екі елдің жазушылары, мәдениет және өнер қайраткерлері қатысты. Өз сөзінде Аида Балаева Орал Тансықбаевтың өнері екі елдің халқын жақындастырып, сан ғасырлық достық пен өзара түсіністікті нығайтуға үлес қосқанын атап өтті.
Орал Таңсықбаевтың мерейтойына арналған көрме маусым айына дейін жалғасады.
Қуан Нұрақын
