Жаңалықтарды Telegram арнамыздан оқыңыз!Астанадағы ЛРТ құрылысы биыл жазда аяқталады. Бұл туралы қала әкімі Жеңіс Қасымбек Мемлекет басшысының төрағалығымен өткен Үкіметтің кеңейтілген отырысында айтты. Әкімнің сөзінше, алғашқы пойыздар күзде іске қосылып, сынақтар жүргізіледі. Жиында Президент елордадағы көлік кептелісі мәселесіне қатысты шұғыл шаралар қабылдауды тапсырды. Өйткені алдағы 10 жылда қала халқы 2,5 млнға жетуі мүмкін деген болжам бар. Ал Жеңіс Қасымбектің айтуынша, қалалық маршруттарға күн сайын 1600-ден астам автобус шығады, қоғамдық көлік паркі 45 пайызға жаңартылған. Қала тұрғындарының қауіпсіздігін бақылау мақсатында жасанды интеллектінің мүмкіндіктері пайдаланылмақ.
Раушан Сайлауқызы
