Жаңалықтарды Telegram арнамыздан оқыңыз!Қызылорда облысының Арал ауданында мектептің бас есепшісіне қатысты сот үкімі шықты. Ол 2023-24 жылдар аралығында қызметін асыра пайдаланып, ірі көлемде мемлекет қаржысын жымқырған.
Айыпталушы өзінің штаттық кестеге сәйкес жалақысынан бөлек, есепшотына негізсіз артық қаржы аударып келген. Экономикалық тергеп-тексеру департаменті қызметкерлері білім беру мекемесі есепшісінің заңсыз әрекетін әшкерелеп, 20 миллион 417 мың теңгені қолды қылғанын анықтаған. Сот процесі барысында жауапты тұлғаның кінәсі дәлелденіп, 7 жылға бас бостандығынан айырылды. 10 жылға дейін қаржылық материалға жауапты қызметпен айналысудан шеттетілді. Ал мемлекетке келтірілген шығынды өтеуге 2 ай мерзім берілді.
Әділбек Серікұлы
