Жаңалықтарды Telegram арнамыздан оқыңыз!Өзбекстандағы сайлаудың алдын ала нәтижесі белгілі болды. Парламентке 5 бірдей партияның өкілдері өтті. Олий мәжілістегі 150 мандаттың 64-і либералды-демократиялық партия мүшелеріне бұйырды. Екінші орында «Миллий тикланиш» партиясы. Бұл саяси ұйым 29 мандатқа ие болды. Өзге орындарды қалған үш партия өзара бөлісті.
Алдын ала қорытындыға сай, дауыс беруге электораттың 74,72 проценті қатысқан. Прокуратура өкілдерінің хабарлауынша, дауыс беру кезінде айтарлықтай заң бұзушылық анықталмады. Сайлау барысын 850-ден астам шетелдік байқаушы Қадағалады. Еске салайық, бұл жолғы сайлау тұңғыш рет аралас жүйе бойынша өтті.
Жақып Асанов, ҚР Парламенті Сенаты Төрағасының орынбасары
Өзбекстан халқы сайлауда бір кісідей дауыс беріп, саяси додаға белсенді араласты. Бірқатар учаскені аралап, соған көз жеткіздік. Бұл мемлекетте заң шығару палатасы қайта жасақталып, жергілікті кеңестер құрамы жаңарды. Бес бірдей партия қатысқан саяси науқан қоғам дамуының өзгеріп жатқанының тағы бір дәлелі.
Базаркүл Отыншиева
