Жаңалықтарды Telegram арнамыздан оқыңыз!«Ертіс орманы» мемлекеттік табиғи резерваты қызметкерлерінің еңбекақысы үш есеге өсті. Абай және Павлодар облыстары аумағындағы өрттен кейін Президент орманшылардың жалақысын көтеріп, материалдық техникалық базасын жақсартуды тапсырды. Биыл «Ертіс орманы» резерватына 3 млрд 299 млн. теңге қаржы бөлінді. Оның 12 пайызы ғана материалдық-техникалық базаны ұстап тұруға, ал қалған 88 пайызы жұмыскерлердің еңбекақысына бөлінді.
Гүлнар Нұрымова, «Ертіс орманы» резерватының бас есепшісі:
Мемлекеттік инспектордың еңбекақысы 338 мың теңге. Былтыр 119 мың теңге болған. Ал штаттан тыс қызметкер былтыр 95 мың теңге алған болса қазір 211 мың теңге төленеді. Бізде тұрақты түрде 307 маман қызмет атқарады. Қалған 1900 адамды маусымдық жұмыстарға қабылдаймыз.
Өрт сөндіру техникасы мен арнайы жабдықтар алу үшін өткен жылы 16 млрд теңге бөлінген. Биыл бұл мақсатқа берілген қаржы үш есеге көбейген.
Қобыланды Атығаев, «Ертіс орманы» резерватының бөлім басшысы:
38 орман өрті. Былтыр 133,227 млн теңге шығын болды. Енді былтырғы жылмен салыстырғанда биыл орман өрттерінің саны 75 пайызға, аумағы 99 пайызға азайды.
Болат Аманбаев
