Жаңалықтарды Telegram арнамыздан оқыңыз!
Биыл 1 шілдеден бастап орман шаруашылығы қызметкерлерінің жалақысы 100 пайызға өсті. Бұл туралы Экология және табиғи ресурстар министрі Ерлан Нысанбаев айтты. Салада 15 мыңға жуық адам қызмет етеді. Орташа айлық - 250 мың теңге. Жалпы, ел аумағының тек 5 процентін ғана орман алып жатыр. Қазір Президент тапсырмасымен 2 миллиард түп ағаш отырғызу бойынша жұмыстар басталған.
Сондай-ақ, ормандарды оңалтып, қорғау үшін биыл техника сатып алуға бюджеттен 52 миллиард теңге бөлінді, деді министр.
Айта кетейік, елімізде жыл сайын қазан айының үшінші жексенбісінде орман шаруашылығы қызметкерлерінің күні аталып өтеді.
Ерлан Нысанбаев, ҚР Экология және табиғи ресурстар министрі:
2-3 апта бұрын орманның бәрін қарап шықтық, жаяу араладық. Көптеген жұмыс бар. Оның бірі орман арасына ағаш отырғызу. Себебі - бізге ну орман керек. 2 мыңдай жаңа техника аламыз. Оның мыңға жуығы өрт сөндіру машинасы, қалғаны соқа, су таситын техника.
Асылбек Данияр
