Жаңалықтарды Telegram арнамыздан оқыңыз!«Бірыңғай жинақтаушы зейнетақы қоры» алаяқтардан сақ болуға шақырады. Өйткені соңғы кезде аталған қордың атынан хабарласатын қаскөйлер көбейген. «Олар әртүрлі сценарийлермен салымшыларды шатастырып жүр» деп жазды зейнетақы қоры ресми сайтында. Сондықтан телефоныңызға қоңырау соғып, зейнетақы қоры қызметкерімін деп таныстыратын бейтаныс адамдарға жеке деректерді беруге болмайтынын ескертеді. Себебі ««Бірыңғай жинақтаушы зейнетақы қоры» ешқашан қаражатты белгілі бір шоттарға аударуды талап етпейді, дербес деректерді сұрамайды», - делінген хабарламада. Ал» күдік туған жағдайда 1418 байланыс орталығына хабарласуға кеңес береді.
Серік Жұмабек
