Жаңалықтарды Telegram арнамыздан оқыңыз!Австралиядағы атом энергетикасы саласының маманы, сарапшы Уилл Шакел де атом электр станциясына қатысты пікір білдірді. Оның айтуынша, ғылымның дамуымен қатар қалпына келетін энергия көздерінің рөлі электр энергиясын өндіруде күннен-күнге артып келеді. Ал атом электр станциясы отын ретінде өте аз мөлшерде уранды пайдаланып, көп мөлшерде энергия өндіру үшін тиімді, - дейді австралиялық сарапшы.
Уилл Шакел, сарапшы:
Қазақстан әлемде уран экспорттауда ең ірі экспорттаушы ел болып табылады. Менің ойымша, мұндай шикізат көзін ішкі өндірісте пайдаға асырған ұтымдырақ. Одан таза әрі қуатты электр энергиясын өндіруге болады. Бұл ең әуелі энергетика тапшылығын шешеді. Көптеген елдерде атом электр станциялары – өнеркәсіптік және тұтынушылық мақсатта қолданылатын, электр энергиясымен қамтамасыз ететін негізгі көздердің бірі.
