Жаңалықтарды Telegram арнамыздан оқыңыз!Біріккен Ұлттар Ұйымы алапат тасқыннан зардап шеккен Шығыс Африка елдеріне қолдау көрсетіп жатқанын мәлімдеді. Соңғы апталарда Кения, Танзания, Бурунди, Сомали және «Қара құрлықтың» өзге де бөліктерінде су апатынан жүздеген адам қаза тапты. Біріккен Ұлттар Ұйымының ресми өкілі Стефан Дюжжариктің мәлімдеуінше, су басқан елді мекендердің тұрғындарына азық-түлік, төсек орын, су резервуарлары, масадан қорғайтын торлар, құрылыс материалдары, дәрі-дәрмек және гигиеналық құралдар жіберіліп, психологиялық көмек көрсетілді. Бұл гуманитарлық миссия осы ұйым мен оның жергілікті жерлердегі серіктестерінің қолдауымен жүзеге асырылып отыр.
Арыстан Рысбек
