Жаңалықтарды Telegram арнамыздан оқыңыз!Алматыда су тасқынынан зардап шеккен өңірлерге жылу жинау жалғасып жатыр. Небәрі үш күнде 1 тоннадан астам гуманитарлық көмек жиналды. Қабылдау пунктіне тұрғындар жолға жарамды, бұзылмайтын азық-түлік, киім-кешек, төсек орындар мен гигиеналық заттар, резеңке аяқ киімдер және тағы басқа қажетті заттарды әкелген. Гуманитарлық көмек әуе жолы арқылы ертең Батыс Қазақстан, Ақтөбе облыстарына жөнелтілмек. Көмек қолын созуға қала тұрғындары, кәсіпкерлер және белсенді жастар атсалысты. Еске салайық, қабылдау пункіті Байтұрсынов көшесі 22-ші үй, мекенжайы бойынша таңғы сағат 10:00-ден, кешкі 19:00-ге дейін қабылдап жатыр.
Айдана Қуантхан
