Жаңалықтарды Telegram арнамыздан оқыңыз!Қостанай облысында балықтың жаппай қырылу қаупі туындап тұр. Бұған бірнеше жыл бойы су дұрыс түспей өзен-көлдердің таяздап қалуы себеп. Мұз үстіндегі қалың қар күн сәулесін өткізбейді. Соның салдарынан оттегін өндіретін су асты өсімдіктері өспейді. Қалғаны шіріп, бұзылуынан метан, күкіртсутегі газы бөлініп, ауаны ластап, балықтардың қырылуына әкеп соқтырады. Қауіптің алдын алу үшін, су айдындарында ойық ойып, мұз астына оттегі жіберу жұмыстары жүріп жатыр. Облыс аумағында сегіз мыңнан астам өзен-көл бар. Соның ішінде балық аулауға жарамды 384 су айдынының 245-і табиғат пайдаланушыларға бекітіп берілген.
Серік Бейсембаев, Тобыл-Торғай облысаралық бассейіндік инспекция басшысы:
Өзен-көл суын оттегімен қанықтыруды қаңтар айында бастадық. Бұл науқан сәуірге дейін, мұз еріп кеткенше жалғасады. Осы жұмысқа қоғамдық ұйым, жергілікті атқарушы орган өкілдерін, эколог, су шаруашылығы мамандарын тартып отырмыз.
Дәуренбек Әбдібек
