Жаңалықтарды Telegram арнамыздан оқыңыз!Өзбекстанда қалың тұман салдарынан бүгін таңертеңнен бері Ташкент халықаралық әуежайы ұшақтарды қабылдамай жатыр. Әуе кемелері өзге қалаларға ұшып кетуге мәжбүр. Бұл туралы Uzbekistan Airports компаниясы хабарлады. «Мәскеу-Ташкент», «Владивосток-Ташкент» және «Джидда-Ташкент» бағытындағы рейстер Самарқандағы қосымша аэродромға жіберілген. «Ташкент-Санкт-Петербор» бағытындағы әуе кемесі Ферғанадағы аэродромға қонды.
Ал Узгидромет тұрғындарға шұғыл хабарлама таратты. Шатқал таулы аймағындағы Ахангаран, Бостандық аудандарында және Наманған облысында қар көшкіні жүруі ықтимал. Тұрғындарға аса сақ болу қажеттігі ескертілді. Әсіресе, саяхатшылар мен шетелдік демалушыларды тауға шығудан мейлінше аулақ болуға шақырды.
Базаркүл Отыншиева
