Жаңалықтарды Telegram арнамыздан оқыңыз!Мемлекеттік кеңесші Ерлан Қарин «Ежелгі заманнан бүгінгі күнге дейінгі Қазақстан тарихы» атты жаңа академиялық басылымының редакция алқасы мүшелерімен кездесу өткізді. Жиында көптомдықты әзірлеу барысы қаралды. Академиялық басылымның әр томының жетекшілері – Әлкей Марғұлан атындағы Археология институтының бас директоры Ақан Оңғар, Жошы Ұлысын зерттеу ғылыми институтының директоры Жақсылық Сәбитов, Шоқан Уәлиханов атындағы Тарих және этнология институтының директоры Зиябек Қабылдинов, Рамазан Сүлейменов атындағы Шығыстану институты жанындағы Тарихи материалдарды зерттеу жөнідегі республикалық ақпараттық орталықтың директоры Меруерт Әбусейітова, Мемлекет тарихы институтының директоры Бүркітбай Аяған ---- Мемлекеттік кеңесшіні жалпыәлемдік үдерістер аясында Қазақстан тарихының негізгі кезеңдері қалай жазылып жатқанынан хабардар етті. Кездесу қорытындысы бойынша, Ерлан Қарин ғылыми іссапар барысында шетел архивтерінен табылған төл тарихымызға қатысты жаңа мұрағат құжаттары және соңғы жылдардағы археологиялық зерттеулердің қорытындылары осы іргелі ғылыми еңбекке енуге тиіс екенін атап өтті. Сондай-ақ, сапалы басылым әзірлеу үшін ғалымдардың бұл жұмысқа жауапкершілікпен қарауы, авторлар мен редакторлардың тынымсыз еңбек етуі өте маңызды екенін айтты.
Ақан Оңғарұлы, Ә.Марғұлан атындағы археология институтының бас директоры:
Көп томдығымыз мемелекеттілік пен мемлекеттің тарихы. Және Қазақстанның Еуразияның ортасында орналасқандықтан далалық өркениеттің тарихы. Осы сабақтастықты әр томда, әр тарихи кезеңде қамтылған ба, жоқ па? Әр авторлардың, әр мамандардың, зерттеушілердің ой, көз қарасы қандай? Осыны жұмыс барысында талқылап жатқан жайымыз бар.
