Жаңалықтарды Telegram арнамыздан оқыңыз!700-ге жуық спортшы татамиде өзара мықтыны анықтайды. Алматыда киокушин-кай-кан каратеден әлем чемпионаты өтіп жатыр.
Жарысқа 35 елден келген жасөспірімдер, ересектер және ардагерлер қатысып жатыр. Олар 8 түрлі салмақ дәрежесінде өнер көрсетуде. Байрақты бәсекеде Қазақстан намысын 80 каратеші қорғайды. 4 жылда бір өтетін киокушинкай-кан каратеден әлем чемпионаты өткел жылы Астанада ұйымдастырылған еді. Сол жарыста екі бірдей спортшымыз алтыннан алқа тағынып, үздіктер қатарынан көрінді. Айта кету керек дүбірлі дода үш күнге созылады.
Әлімжан Молдағали, ҚР киокушинкай-кан карате федерациясының бірінші вице-президенті:
Біз киокушинкай каратемен 90-шы жылдардан айналысып келе жатырмыз. Мен өзім әлі күнге айналысамын. Ертеңгі жарысқа мен өзім де қатысамын. Біз өзіміз өнеге көрсеткен соң, спортшыларымыз да артымыздан ереді деген оайдамыз. Бүгінгі таңда 10 мыңнан астам караешіміз бар. Енді осы жарыста өнерлерін көрсетеді. Бұйырса жақсы жетістіктерге жетеді деген ойдамыз.
Нұрсұлтан Тілектес
