Жаңалықтарды Telegram арнамыздан оқыңыз!
Израиль армиясы Газа секторының орталық бөлігінде рейд жүргізді. Оның барысында ХАМАС-тың ондаған нысанына соққы берілген. Құрлық әскері жойғыш ұшақтар мен ұшқышсыз аппараттарды қолданып, Шуджаия ауданын шабуылдаған. Бұған қоса күллі сектор аумағына әуеден және артиллериядан оқ атылды.
Ал БҰҰ-ның мәліметінше, палестиналық анклав тұрғындарының жағдайы өте ауыр. Шұғыл гуманитарлық көмек қажет. Су мен азық-түлік таусылуға жақын, көшелер қоқысқа толған. Бұл қауіпті аурулардың таралуына әкеп соғуы мүмкін. Оның үстіне Газа ауруханасындағы жансақтау бөлімінде науқастарды қабылдайтын орын қалмаған. Соңғы мәліметтерге қарағанда, ХАМАС қазанның 7-де Израильге шабуыл жасағанда тұтқынға түскендердің саны 229-ға жеткен. Қарулы топ Израиль оқ атуды тоқтатқанда ғана кепілдегілерді босататынын мәлімдеді.
Арай Төлеген
