Жаңалықтарды Telegram арнамыздан оқыңыз!
Блогерлер жарнамадан түскен табысын жасырып келеді, биыл 23 блогер табыс салығын 1 млрд теңгеге дейін төмендетіп көрсеткен. Салық мамандары заңбұзушылықты анықтап, ескерту хабарлама жіберді. Бұл жөнінде «Астана Media Week» аясында өткен семинар барысында айтылды. Шараға қатысушылар өз білімдерін шыңдап, ақпаратты ұтымды әрі сауатты беру бойынша тәжірибе алмасып жатыр. Ал бірқатар баспасөз хатшылары медиа апталық аясында «үздік баспасөз қызметі» және «ақпарат саласының үздігі» төсбелгісімен марапатталды.
Жанжігіт Омархан - ҚР Көлік министрлігінің баспасөз хатшысы:
14 ақпарат саласының үздігі деген төсбелгі табыстап жатыр. Жалпы баспасөз қызметтерінде жұмыс атқарып жүргенімізге біршама жыл болды. Ақпарат саласында өзім журналист болғаннан кейін 2009 жылдан бері жұмыс атқарып келе жатырмын.
