Жаңалықтарды Telegram арнамыздан оқыңыз!Ақтауда дәрігерлер жаппай астан уланып қалды. 50-ге жуық медицина қызметкері шаһардағы мейрамханалардың бірінде ауызашарда болған. Шамамен 7-8 сағаттан кейін 16 адам улану белгілерімен облыстық көпбейінді ауруханаға жеткізілді. 10 науқас жұқпалы аурулар бөліміне жатқызылды. Ал қалғаны амбулаторлық емге жіберілді. Дәрігерлер бәліштен уланған болуы мүмкін.
Гүлбану Нұржанова, облыстық көпбейінді ауруханасы жұқпалы аурулар бөлімінің меңгерушісі:
Олардың бәрінде де ішек инфекциясының клиникалары болды. Ауруханаға жатқан науқастардың жағдайы тұрақты. Санитарлық-эпидемиологиялық қызметке шұғыл түрде жаппай ескерту жібереміз. Олар өздері сол ошақтарда жұмыс істеп жатыр.
Аягөз Оралбай
