Жаңалықтарды Telegram арнамыздан оқыңыз!Биыл Қазақ телевизиясына - 65 жыл. Осы уақыт аралығында қара шаңырақ - Ұлттық арнаның халқымыздың рухани құндылықтарының дамуына қосқан үлесі өлшеусіз. Осы арнада 22 жыл бойы тер төккен танымал журналистердің бірі, Құрмет орденінің иегері - Ұлбосын Айтөлен. Ол «Қазақстан», «Шарайна», «Ақшам» ақпарат бағдарламасында, әдеби-драмалық хабарлардың Бас редакциясында еңбек етті. Ақпаратты-сазды «Шапағат» бағдарламасында редактор, комментатор қызметтерін атқарды. «Дүниежүзі Қазақтарының түңғыш құрылтайы», «Дінмұхамед Конаев» атты хабарлары Қазақ телевизиясының «Алтын қорында» сақтаулы.
Мерейтой қарсаңында алматылық әріптестер телевизия ардагерінің үйіне арнайы барып, құттықтады.
Ұлбосын Айтөлен, телевизия ардагері:
Мен қазақ телевизиясын жанымдай жақсы көремін. Себебі онда ең әдемі сәттерім, өмірімнің кезеңдері өтті. Қандай тамаша адамдармен таныстым телевизия арқылы. Телевизияның ардагерлері атанған әріптестерімді осы мерейтоймен шын жүректен құттықтаймын. Қолдарыңнан қалам түспесін, мен ылғы айтамын, журналистің жұмысы жүрегі тоқтаған күні тоқтайды деп.
