Жаңалықтарды Telegram арнамыздан оқыңыз!Петропавлдағы Ұлттық ұлан академиясының сарбаздары қаңтар оқиғасында қаза тапқан қатардағы қос жауынгер Мадияр Қайсаров пен Айбат Амановты еске алды.
«Мәңгілік сапта» акциясына қатысушылар қос батырдың рухына тағзым етті. Қатардағы жауынгер Мадияр Қайсаров Қызылорда қаласындағы 55/74 әскери бөлімінде, ал Айбат Аманов Талдықорғандағы Ұлттық ұланның 55/14 әскери бөлімінде қызмет еткен. Жігіттер қайтыс болғаннан кейін ІІІ дәрежелі «Айбын» орденімен және «Ұлттық ұлан қызметінің үздігі» төсбелгісімен марапатталды.
Ғалымжан Кибаев, 66/37 әскери бөлімінің командирі:
Жас сарбаздар ел тыныштығы үшін өз өмірін қиды. Мадияр Қайсаров 5 қаңтар күні жедел бөлім құрамында қызмет етті. Ауыр жарақат салдарынан қайтыс болды. Дәл сол күні Айбат Аманов та ерлікпен қаза тапты. Бірі 2002, екіншісі 2003 жылы дүниеге келген еді. Олар әскери антына адал болды.
Эльмира Кәленова
