Жаңалықтарды Telegram арнамыздан оқыңыз!Алматыда «Айбоз» Ұлттық әдеби сыйлығының жеңімпаздары марапатталды. Тұңғыш рет өткізілген байқауға 400 өтінім түскен. Жеңімпаздар «Үздік проза», «Үздік поэзия», «Үздік балалар әдебиеті», «Үздік комикс» сынды 7 аталым бойынша анықталды.
Басты мақсат – төл әдебиетімізді соны дүниелермен толықтырып, оны жаңаша биікке көтеру, тың серпін беру дейді ұйымдастырушылар. Бұл сыйлықтың тағы бір ерекшелігі – үздік деп танылған туындылар басып шығарылып, кітапханаларға таратылады. Байқау жүлдегерлеріне 5 миллион теңгеден қаржылай сыйлық берілді.
Батырхан Сәрсенхан, байқау жеңімпазы:
«Жұмбақ арал» деген поэмаммен қатысқан болатынмын. «Жұмбақ арал» поэмасының негізгі ойы-адамдарды рухани тазалыққа, мәңгілік рухани таза, рухани бала болмыста қалуға үндейді. Поэмамның топ жарғанына шын жүректен қуаныштымын.
Жазира Оразқызы
