Жаңалықтарды Telegram арнамыздан оқыңыз!
«Архив -ел тарихының қазынасы». Осындай атаумен Астанада республикалық ғылыми-тәжірибелік конференция өтті. Шара барысында белгілі болғандай, әлемнің 14 елінен Қазақстан тарихына қатысты 7000-нан астам құжат пен қолжазба сатып алынған. Олардың хронологиялық шеңбері 973 пен 1990 жылдар аралығын қамтиды. Конференцияда сол құжаттардың барлығын ғылыми айналымға енгізу мәселесі талқыланды.
Бұдан бөлек бірнеше кітаптың тұсауы кесілді. «Отанына оралған құжаттық қазына» жинағы және Ахмет Байтұрсынұлының 150 жылдығына арналған 12 томдық шығармалар жинағы көпшіліктің назарына ұсынылды.
Сұлтан-Хан Аққұлұлы, алаштанушы:
Бұл 12 томдықтың бір ерекшелігі сол, бұл еңбекте Ахаңның шығармалары кирилмен аударылғанымен бірге қарама-қарсы бетте оның сол түп нұсқасы екеуі қатар беріліп отыр. Сондықтан Ахаңның шығармалары кезінде қандай тәртіппен жазылды, сол күйінде беріледі.
Азамат Нұғыманов
