Жаңалықтарды Telegram арнамыздан оқыңыз!Бүгін - Құтқарушылар күні. Ақтөбедегі төтенше жағдайлар департаментінің ұжымы кәсіби мерекелеріне орай арнайы техникалар көрмесін өткізді.
Адамдардың қауіпсіздігі үшін бастарын қатерге тігіп жүрген мақтаулы мамандардың кеудесіне «Құрметті қызметкер», «Құтқарушы» төсбелгілері тағылды. Алаңдағы көрмеден көпшілік өрт сөндіру техникаларын, жол талғамайтын көліктерді, қажетті құрал-жабдықтармен қамтамасыз етілген темір тұлпарлар мен жедел жәрдем көліктерін жақыннан көруге мүмкіндік алды. Жалпы, өңірде төтенше жағдайлар кезінде қолданылатын 200-дей арнайы техника бар. Былтыр жаңа 23 көлік алынды.
Марғұлан Аманбаев, облыстық ТЖД бастығы:
Осы жылдың аяғына дейін Төтенше жағдайлар минсиртлігінен 5 техника және 1 автокөлік келуі керек. Және де айтқым келеді біздің ҚР Төтенше жағдайлар бөлімінде істейтін әріптестерімді осы үлкен мерекесімен құттықтаймын! Отбастарына амандық, денсаулық тілеймін!
Жақсыбек Кемал
