Жаңалықтарды Telegram арнамыздан оқыңыз!Қызылордада жергілікті ғалымдар егін шаруашылығын дамытуға үлес қоспақ. Биыл олар қуаңшылық жағдайында дәнді дақылдар егудің тиімді әдісін тәжірибеден өткізіп көрді.
Жоба аясында Абай ауылдық округінен 2 гектар жерге күріш, арпа, бидай, қант құмайы, жоңышқа егілген. Жүргізілген тәжірибе-- күзде оң нәтижесін беріп отыр. Мәселен, мамандар тұқым себудің жаңа әдісін пайдаланып, оны 10 есе үнемдеген. Сондай-ақ, атызды суаруды жартылай автоматтандырып, аз суды күріштікке жеткізген. Ал жоңышқаны-- қант құмайымен бүркемелеп, егу арқылы мүлдем суармай өнім алуға болатынына көз жеткізді. Ғалымдар осы жаңашылдықтарды-- енді өңірдегі шаруашылықтармен бөлісіп, өндіріске кеңінен енгізуді көздейді.
Серікбай Өмірзақов, техника ғылымдарының докторы:
Су тапшылығы жағдайында ауыл шаруашылығы өндірісіне тәуекелдер көп болып тұр. Сондықтан, осындай ғылыми жетістіктерді өндіріске, шаруаларға тезірек ендіру осы саланың бәсекеге қабілеттілігін көтеріп, қосымша өнімдер өндіруге мүмкіншілік жасайды.
Сәбит Әлдебай
