Жаңалықтарды Telegram арнамыздан оқыңыз!Сенат 25 қазанды Республика күні - ұлттық мереке ретінде белгілейтін құжатты қабылдады. Жоғарғы палата депутаттары 1 желтоқсан – Тұңғыш Президент күнін мемлекеттік мерекелер қатарынан алып тастауға да жақтап дауыс берді. «Қазақстан Республикасындағы мерекелер туралы» Заңға енгізілген өзгерістерге сәйкес, 16 желтоқсан – Тәуелсіздік күні мемлекеттік мереке болып қалды. 25 қазан – Республика күні биылдан бастап жоғарғы деңгейде аталып өтеді. Оған қосымша қаржы қарастырылмайды.
Еске сала кетсек, 1990 жылы 25 қазанда Қазақ Кеңестік Социалистік Республикасының мемлекеттік егемендігі туралы декларация қабылданған болатын.
