Елордада өртті сөндіруге тікұшақ жұмылдырылды

Елорда маңындағы өртті сөндіруге тікұшақ жұмылдырылды. Өйткені отқа оранған аумақтың басым бөлігі сулы-батпақты жерде орналасқан.

Қорғалжың тас жолы бойындағы қамыс пен құрғақ шөп кеше түстен кейін жана бастаған. Соңғы мәлімет бойынша, қызыл жалын 6,5 гектар аумақты шарпыған. Өртті сөндіруге 30 техника және 122 адам жұмылдырылды.

Ал бүгін таңертең «Қазавиақұтқару» мекемесінің МИ-8 тікұшағы жіберілді.

Зардап шеккендер жоқ.

Қалалық төтенше жағдайлар департаментінің хабарлауынша, өрттің жасыл белдеуге қаупі жоқ.