Жаңалықтарды Telegram арнамыздан оқыңыз!Ақтөбеде үй-күйі жоқ 14 адамның атына бірнеше серіктестік пен компаниялар тіркелгені анықталды. Әлеуметтік орталық қызметкерлері бұл жағдайдан бейхабар болып шықты.
Прокурорлар анықтағандай орталықта тұрып жатқандар өз аттарына тіркелген бизнес нысандарына ешқандай қатысы жоқ екенін айтқан. Олардың үшеуі I және II топтағы мүгедек. Бұл компаниялардың бір жылдық тауар айналымы 800 миллион теңгені құраған. Қазір тексеру жүріп жатыр. Аталған жайт азаматтардың біріне мүгедектігі туралы құжат рәсімдеу барысында анықталған.
Тархан Зәкарин, Алматы ауданы прокуратурасының бөлім прокуроры:
Олардың атына кім ашқаны әлі белгісіз. Қазіргі таңда Экономикалық тергеу департаментімен бірге анықтау жұмысы жүргізіліп жатыр. Бізге бұл туралы хабар берген сол орталықтың басшылары.
