Семейлік сарбаздар қаралы жиын өткізді
Бейбіт күнде лаңкестердің қолынан қаза болған батырларымызға семейліктер де тағзым етті. Қыршыннан қиылған отан қорғаушыларымыздың есімі мәңгі ұмытылмайды. Ерлік істері өскелең ұрпаққа үлгі- дейді көпшілік.
Ержан Жақып, тілші:
Бүгін Семейде де қаралы күнге орай барлық әкімшілік ғимараттарда мемлекеттік ту төмен түсірілген. Әр жерде қаралы жиындар өтіп жатыр. Жергілікті телеарналар мен радиода ойын-сауық бағдарламалары доғарылған. Шаһарда көңіл көтеру кештері мен шаралар ұйымдастырылмайды. Бүгін қаладағы «Ұлттық ұланның» 55 11 әскери бөліміндегі сарбаздар да, бейбіт күнде лаңкестер қолынан қаза тапқан ішкі әскер сарбаздары Мадияр Қайсаров пен Айбат Амановты бір минут үнсіздікпен еске алды. Отан алдында борышын өтей жүріп опат болған қатарластарының жақын туыстарына қайғысына ортақпыз, дейді олар.
Кәкім Бәкіжан, 55 11 әскери бөлімінің сарбазы:
Жалпы елде болып жатқан ахуал көптеген отбасылар үшін және де біздің сарбаздар үшін өте ауыр соққы болды. Бүгінгі қаралы күнде барша сарбаздар бір минут үнсіздік жариялап өздерінің қайғысымен, халықпен ортақтасып жатыр. Жалпы әр отбасыға өзімнің атымнан жәіне 55 11 әскери бөлімінің атынан көңілі айтамын.
Ержан Жақып, тілші:
Еліміздің күш құрылымдары әлі де алдыңғы шепте Төтенше жағдай режимінде тыныштықты сақтауға қызмет етіп келеді. Соның арқасында Семейде де қазір қоғамдық саяси ахуал тұрақталған. Халық алаңсыз, қалыпты тұрмыс кешіп жатыр. Біз де барша семейліктердің атынан, бейбіт күнде қолынан қаза болған азаматтарымыздың отбастарына жақындарына көңіл айтамыз. Ел аман, жұрт тыныш болсын!
Ержан Жақып
Автор
Ержан Жақып
Сондай-ақ оқыңыз
Барлығы
Инвестиция тартудың жаңа кезеңі басталады
12.09.2025, 10:53

Ақмолалық инспекторлар «Игі істер» акциясы аясында зейнеткерлерге көмектесті
12.09.2025, 10:23
Жетісу облысында жедел жәрдем көліктері табысталды
12.09.2025, 10:21
Мектептерде стоматологиялық кабинеттер ашыла бастады
12.09.2025, 10:20
Абай облысында денсаулық сақтау жобаларына 5,6 миллиард теңге бөлінді
12.09.2025, 10:19
Бір палаталы Парламент құру үшін референдум өткізуді ұсыну – демократияның айқын көрінісі
12.09.2025, 10:15
Албания әлемде алғаш болып министр лауазымына ЖИ-ді тағайындады
12.09.2025, 10:14
Өзбекстанда кибершабуылдарға қарсы күрес күшейді
12.09.2025, 10:13