Жаңалықтарды Telegram арнамыздан оқыңыз!Алматыда «Ауыл» халықтық-демократиялық патриоттық партиясының ұйымдастыруымен "Ел бірлігі – тәуелсіздік тұғыры" атты дөңгелек үстел өтті. Басқосу ел егемендігінің 30 жылдығына арналған «30 игі іс» акциясы аясында ұйымдастырылды. "Шараның басты мақсаты – Қазақстанның мақтанышына айналған татулық пен ынтымақты насихаттау",- дейді партия мүшелері. Жиында қоғамдық келісімді нығайтудың жолдары түрлі этнос өкілдерімен талқыланды. Дөңгелек үстел барысында «Достық» студенттік ассамблеясының, диаспора өкілдерінің және шетелден келген қандас студенттердің ел бірлігі тақырыбында тың ұсыныстары мен ормады ойлары айтылды.
Анас Баққожаев, "Ауыл" ХДПП хатшысы:
Әлемде біз жалғыз мемлекет шығармыз осындай бренді бар. Онымен мақтануымыз керек. 130 ұлт өкілі Қазақстанда тұрады. Бұл деген қазақ халқының қонақжайлығы,ақ пейілділігі,достыққа деген ұмтылуы.Осыны неге паш етпеске?!
Жазира Оразқызы
