Жаңалықтарды Telegram арнамыздан оқыңыз!Мемлекет басшысы Қасым-Жомарт Тоқаев Қазақстанға ресми сапармен келген Ресей Федералдық жиналысы Федерация кеңесінің төрағасы Валентина Матвиенконы қабылдады. Кездесу барысында Қазақстан мен Ресей арасындағы көпжақты стратегиялық серіктестік пен одақтастықты нығайту перспективалары талқыланды. Сауда-экономикалық, мәдени-гуманитарлық ынтымақтастық жайы да сөз болды. Еуразиялық интеграцияға және екі елдің пандемияға қарсы күрестегі бірлескен күш-жігеріне қатысты мәселелер сөз болды. Президент заң шығарушы органдардың Қазақстан мен Ресей арасындағы байланысты жақындатудағы рөлін ерекше атап өтті. Валентина Матвиенко кездесуге мүмкіндік жасағаны үшін Президентке ризашылығын білдірді.
Қасым-Жомарт Тоқаев, Қазақстан Республикасының Президенті:Парламенттік дипломатия мемлекетаралық ынтымақтастықты дамытуда үлкен рөл атқарады деп санаймын. Бұл әсіресе, Қазақстан мен Ресей Федерациясы арасындағы ықпалдастыққа қатысты. Біз үшін достық, одақтастық байланыстар негізгі басымдыққа ие.
Валентина Матвиенко, РФ Федералды жиналысы федералды кеңесінің төрағасы:Сапар алдында Владимир Путинмен сөйлестім. Ол Сізге жүрекжарды сәлемін жолдады. Сондай-ақ Сіздердің сенімді әрі шынайы қарым-қатынастарыңызды жоғары бағалайтынын айтты. Қол жеткізілген барлық уағдаластықтардың жүзеге асатынын нақтылады.
Оңғар Алпысбайұлы
