Жаңалықтарды Telegram арнамыздан оқыңыз!Алматыда ай басынан бері коронавирус жұқтырғандар саны салыстырмалы түрде 2 есе азайды. Дегенмен, науқастардың басым бөлігінде ауру белгілері бар. Осылай деген қаланың бас санитар дәрігері Жандарбек Бекшин, бұған вирустың жаңа штамдары себеп екендігін айтты. Оның сөзінше, көпшілік қауіпті инфекцияны қоғамдық орындарда жұқтырады және көбі жұмыссыз тұрғындар мен жастар. Ал жалпы ауру өсімінің төмендеуі жаппай вакциналаудың және «Ashyq» жүйесін енгізген нысандардың көбеюінен дейді мамандар. Мегаполисте «Ashyq» қосымшасы бойынша екі айда 611 адамнан қызыл мәртебе, 150 тұрғыннан сары түс анықталған. Ал коронавирусқа қарсы екпені халықтың 18 пайызы алған. Алда бұл көрсеткішті 70 пайызға жеткізу жоспарланып отыр.
Нұрхан Нұрланұлы
