Жаңалықтарды Telegram арнамыздан оқыңыз!Алматыда полиция қызметкері жаяу жүргіншіні қағып кетті. Қайғылы оқиға бүгін таңертең Алатау ауданында болған. Күтпеген жерден шыға келген көлікпен соқтығысудан қашпақ болған полицей сол маңда жүрген адамды қақты. Артынша «Газель» автокөлігіне соғылған. Апат салдарынан жаяу жүргінші қаза тапты.
Сондай-ақ, кеше қоғамдық көлік пен жеңіл автокөлік соқтығысып, 7 адам зардап шекті. Темір тұлпар тізгіндеген 23 жастағы азамат Абай даңғылы бойында жол ережесін бұзып, жолаушылар автобусына соғылды. Қатты соққы салдарынан қоғамдық көлік жол жиегіне шығып кеткен. 5 жолаушы мен 2 жүргізуші жарақат алып, жедел жәрдем ауруханасына жеткізілді. Қазір аталған жол-көлік оқиғаларына байланысты тергеу жүріп жатыр.
Нұрхан Нұрланұлы
