Жаңалықтарды Telegram арнамыздан оқыңыз!Әлеуметтік маңызы бар тауарлар тағы қымбаттады. Әсіресе, күнбағыс майы, қант, жұмыртқа мен көкөністердің құны орта есеппен 5 пайызға өскен. Атырау облысы мен Нұр-Сұлтан қаласында 7, Шымкентте 6, Алматы, Қарағанды, Қызылода өңірлерінде азық түлік тауарлары 4 пайызға көтерілген. Үкіметте өткен жиында қымбатшылықпен күрес жайы талқыланып, алдағы уақытта форвардтық әдіске жүгіну туралы айтылды. Яғни, тауардың көлемі, сапасы мен бағасына қатысты күні бұрын келісім орнатылады. Сөйтіп, нарықтың ырқына қарамай мәміледе бекітілген бағамен сауда жасалады. Бірінші вице-премьер Әлихан Смайылов әкімдерге мамырдың аяғына дейін форвардтық сатып алу қаржысын 10 млрд теңгеге ұлғайтуды тапсырды. Бұдан бөлек «айналым схемасы» тәсіліне тағы 50 млрд теңге бөлу қажеттігін айтты. Ал, ауыл шаруашылығы министрлігі азық-түлік бағасын тұрақтандыру үшін қажетті шараларды қабылдауы тиіс.
Нысаналы Ығыл
