Бір тәулікте коронавирус пен пневмониядан 26 адам көз жұмды

Өткен тәулікте коронавирустан 19 адам көз жұмды. 1809 адам коронавирус жұқтырған. Жалпы, ел бойынша коронавирус жұқтырғандар саны 256837-ге жеттi. 

Соңғы тәулікте 1122 адам коронавирус індетінен емделіп шықты. Қазақстандағы COVID-19-дан жазылып шыққандар саны - 226378. Қайтыс болғандар - 3129.

Денсаулық сақтау министрлігінің мәліметінше, қазіргі уақытта коронавирустық инфекциядан 28 333 адам ем қабылдап жатыр. 456 науқастың жағдайы ауыр.

Коронавирустық инфекция белгілері бар пневмония бойынша бір күнде 7 адам дертке шалдығып, 7 өлім жағдайы тіркелді. Жалпы, 1 тамыздан бері Қазақстанда 50839 адамға пневмония диагнозы қойылды. 49127 адам індеттен жазылып шықты. Қайтыс болғандар саны - 709.

Ал бүгінде ел бойынша КВИ-ге қарсы вакцина алғандар саны 194706-ға жетті.