Жаңалықтарды Telegram арнамыздан оқыңыз!Петропавлда қыздар арасында волейболдан ел чемпионаты өтуде. Бұл ұлттық лиганың IV айналымы. Ел тәуелсіздігінің 30 жылдығына арналған жарысқа Алматы, Қарағанды, Солтүстік Қазақстан және Шығыс Қазақстан өңірлерінен 8 команда қатысып жатыр. Кездесулер пандемияға байланысты жанкүйерлерсіз өтуде. Жарыс 19 ақпанға дейін жалғасады. Плей-офф, яғни турнирдің қорытынды кезеңі наурыз айында өтеді
Жақып Биданов, жарыстың бас төрешісі:
Бұл жерде 8 команда бір-бірімен төртінші рет кездесіп жатыр. Олар қанша ұпай жинағаны белгілі болады осы турда. Себебі бесінші турды плей-офф дейміз. Ол жерде бірінші команда, төртінші орындағы командалармен кездеседі. Ал жеңген команда үшінші, төртінші командалармен кездеседі. Екі жеңіске дейін сондай кездесу болады.
Сағындық Сәбитұлы
